SuperDizionari

stâ daûr loc.v.

Jessi daûr o dopo di cdn. o di alc (ancje fig.)

esemplis

"un om alt e scûr, zovin, stant daûr des primis filis de int, tignint un revolvar in alt parsore dal cjâf, al sbarave doi colps"

gjavât fûr di "Te grande place" di Agnul di Spere

stâ daûr loc.v.

Jessi presint e impuartant, tant che cause, tant che agjent, tant che essence sot di un aspiet superficiâl e v.i.

esemplis

"nol podeve fâ di mancul di secondâ la corint demagogjiche che e stave daûr di dutis chês decisions"

gjavât fûr di "Zuan Batiste Cavedalis - Une vite esemplâr" di Giovanni Pillinini

"lant a viodi i progjets che a stan daûr dai doi coretôrs a vegnin in lûs dôs filosofiis disferentis"

gjavât fûr di "Il mestri eletronic" di Ricart Urban

stâ daûr loc.v.

Rivâ a capî cun atenzion un messaç, il davuelzisi di un resonament, di une dinamiche e v.i.

sinonims

lâ daûr, scoltâ, stâ atent, tignî daûr

esemplis

"nol veve propit nissune voie di stâi daûr ae lezion. Al sintive la vôs de mestre a fevelâ da la Italie ma il so cûr nol ritignive nuie"

gjavât fûr di "Sul agâr" di Pieri Menis

"e jere sentade devant de television, ma nancje no rivave adore di stâi daûr, piardude tai siei pinsîrs"

gjavât fûr di "Di là de rêt" di Jolanda Mazzon

stâ daûr loc.v.

Vê cure di cdn. o di alc

sinonims

viodi, stâ sot, tignî a ments, tignî di voli, cjalâ, dâ abade, abadâ, badâ, tignî daûr

esemplis

"e lavorave intai cjamps de agne e i stave daûr ai fîs"

gjavât fûr di "Trê feminis" di Gianni Gregoricchio

"ur stave daûr a lis âfs, lui, che al ûl dâi sot e fâ faturis par vê un costrut di lôr"

gjavât fûr di "Lis âfs di Min" di Alviero Negro

"Menie e stave daûr ai lavôrs cence sintî la fadie"

gjavât fûr di "La fie çuete" di Maria Forte

stâ daûr loc.v.

Stâ atent e impegnâsi par che cdn. al fasi alc

sinonims

stâ sot

esemplis

""Tu, tu sì, che no tu sês bon di fâti ubidî ne dai mestris ne dai lavorents, che no tu sês bon di stâur daûr…""

gjavât fûr di "Mariute" di Ercole Carletti

stâ daûr loc.v.

Ubidî, rispietâ, meti in vore e v.i. une regule, un precet, une istruzion e v.i.

sinonims

lâ daûr, tignî daûr

esemplis

""No 'ndi pierdês une di ocasion, voaltris framassons e liberâi par meti a mâl la religjon di Crist, par discreditâ chei puars predis che a stan daûr al Vanzeli cun umiltât…""

gjavât fûr di "Int di masnade" di Alviero Negro

stâ daûr loc.v.

Vê e mostrâ interès sentimentâl o sessuâl par cdn.

sinonims

vignî daûr, lâ daûr, stâ sot

esemplis

"dîs che ducj i stan daûr / tentin ducj di inamorâle: / ducj oressin il so cûr: / ducj domandin di sposâle"

gjavât fûr di "La volp no ûl ceriesis" di Pieri Çorut

"Milio i stave daûr ae Taresie, e al lave a cjatâle in cjase"

gjavât fûr di "Culumie" di Meni Ucel

stâ daûr loc.v.

In costruzions cun "a" e un infinît, par rindi une azion continuade

sinonims

jessi daûr

esemplis

"chê altre dì, che al jere chel timpat, o stavi daûr a scuadrâ il len par un pâr di dalminis"

gjavât fûr di "Lis predicjis dal muini" di Josef Marchet

monolengâl